Svizra è champiun mundial d'ir cun tren

Ils Svizzers e las Svizras han fatg l'onn 2014 ils pli blers kilometers cun la viafier en cumparaziun mundiala. En media ha mintga Svizzer fatg 2288 km ad onn. Ils Giapunais sin plazza 2 han nudà 2042 kilometers per persuna.

La staziun a Turitg. Bild in Lightbox öffnen.

Legenda da maletgs: En Svizra penduleschan bleras persunas, uschia ch'ils kilometers cun tren s'accumuleschan. Keystone

Ils Giapunais van dentant 72 giadas ad onn cun il tren ed uschia dapli ch’ils Svizzers. Lezs van 59 giadas ad onn cun il tren, sco il servetsch d’infurmaziun per il traffic public communitgescha.

Ils top 10 ed il rest

Tranter ils top 10 sa chattan er l’Austria, il Danemarc, la Gronda Britannia e la Germania. Il pli pauc cun tren van ils abitants da la Spagna, da la Svezia e da la Norvegia, che fan 3 fin 12 viadis cun tren ad onn.

RR novitads 14:00