Siglir tar il cuntegn

Header

cuntegn

Svizra Svizra e Frantscha sa cunvegnan areguard dumondas da taglia

La Svizra e la Frantscha barattan puspè infurmaziuns en dumondas da taglia. Ins saja vegnì perina davart l’agid uffizial en dumondas fiscalas, ha communitgà l’Administraziun federala da taglia.

La Svizra aveva interrut l’agid uffizial en dumondas fiscalas envers la Frantscha. Quai pervi d'ina dispita areguard il tegnair secret documents da la banca gronda svizra UBS. Ussa sajan ils dus pajais abels da cuntinuar cun lur barat d'infurmaziuns per tut las dumondas pendentas e futuras, quai cun tegnair en tuttas leschas. La collavuraziun s'orienteschia al standart da l'Organisaziun da cooperaziun e svilup economic en Europa (OECD) ed adempleschia las obligaziuns tenor la cunvegna bilaterala.

Sin tge precis ch'ils dus pajais sajan sa cunvegnids na vegnia betg communitgà, uschia l'Administraziun da taglia da la Confederaziun. Pervi d'ina dispita è uss vegnida negoziada questa cunvegna per definir la lavur communabla areguard infurmaziuns da taglia.

RR novitads 16:00

Artitgels legids il pli savens