Svizra - Svizra e Peru vulan profundar lur relaziuns bilateralas
La presidenta da la Confederaziun Doris Leuthard ed il president peruan Pedro Pablo Kuczynski han suttascrit ina decleraziun d’intenziun correspundenta a Lima.
Er las relaziuns economicas e commerzialas tranter La Svizra ed il Peru sajan stadas temas da l’inscunter. Quai ha communitgà in pledader da Doris Leuthard. Ultra da quai han els suttascrit ina cunvegna che duai meglierar las cundiziuns socialas ed ecologicas da minieras d’aur pitschnas: La Svizra surpiglia la mesadad dals exports dad aur dal Peru.
