Svizra - Svizra ed Italia sa cunvegnan pertutgant taglia dubla
La ministra da finanzas Eveline Widmer-Schlumpf e ses collega talian Carlo Padoan han suttascrit la cunvegna davart l’imposiziun dubla da taglia tranter la Svizra e l’Italia. Quai communitgeschan pliras agenturas da novitads.
La cunvegna saja per omadus pajais fitg impurtanta ha ditg l’ambassadur svizzer en l’Italia. La cunvegn prevesa che cunfinaris duajan vegnir suttamess a la taglia d’omadus pajais. E vinavant duajan Talians cun contos en Svizra pudair sa participar al program d’autodenunzia.
