Bun in terz dals emprendists va enturn fitg precautamain cun ils daners gudagnads e metta da la vart mintga mais ina part dals daners. Strusch dus terzs chattan bain impurtant da spargnar, els na vegnan dentant betg adina da far quai. Sulet 6% dals emprendists van enturn fitg luc cun lur daners. Quai mussa la retschertga che l'Uniun da las Bancas Chantunalas Svizras ha fatg.
Paja media da 764 francs
Las pajas d'emprendists en Svizra èn per gronda part tranter 500 e 1000 francs per mais. En media ha mintga emprendist a disposiziun 764 francs. Cunquai che radund 90% dals emprendists abiteschan anc a chasa, èn ils custs dad abitar e da mangiar cuvrids dal tut u per part. Radund la mesadad survegn er sustegn finanzial da la famiglia. Ils daners dovran ils emprendists tranter auter per sortida, hobis u er resti.
RR novitads 17:00