Svizra - En la truscha dal «Sechseläuten» èn er tamburs grischuns
A Turitg è oz il di da festa - il «Sechseläuten». Radund 3'500 commembers da mastergnanza, passa 350 chavaltgaders e radund 30 societads da musica tiran sur la via da la staziun, sur il Limmatquai fin la plazza dal Sechseläuten nua ch'il Böögg vegn ars. Da la partida er Grischuns.
En la truscha dal Sechseläuten a Turitg sa chattan er intgins Grischuns. Uschia per exempel Mario Camartin da Breil. El ha sunà 25 onns il tambur en duas mastergnanzas da Turitg. Er oz è Mario Camartin da la partida al Sechseläuten dentant sco aspectatur e betg pli sco tambur. Entras viver ed esser en ina musica turitgaisa è el vegnì tar las mastergnanzas. Er pli tard cura ch'el abitava puspè a Breil è el sa participà sco tambur.
audio
Emprimas impressiuns dal «Sächsilüüte» da Turitg
02:59 min, ord Famus e glorius dals 16.04.2018.
laschar ir. Durada: 2 minutas 59 Secundas.
audio
Mezdi: Ina survista dals dis da festa dal Sechseläuten
03:45 min, ord Actualitad dals 16.04.2018.
laschar ir. Durada: 3 minutas 45 Secundas.
audio
Mezdi: Ils tamburs sursilvans al Sechseläuten
04:23 min, ord Actualitad dals 16.04.2018.
laschar ir. Durada: 4 minutas 23 Secundas.
audio
Mezdi: Mario Camartin è tambur al cortegi da Sechseläuten
05:27 min, ord Actualitad dals 16.04.2018.
laschar ir. Durada: 5 minutas 27 Secundas.
Entras el pon trais ulteriurs Sursilvans sa participar sco tamburs al Sechseläuten. Ursin Derungs è in dad els ch'è en la «Zunft zu den Drei Königen». Era sch'il Lumnezian è in tambur rutinà saja quai pretensius da dar sin il schumber var duas uras. Tuttina giauda el fitg il gi da Sechseläuten. Quai saja in di da rumper ora in zic e d'ina giada far festa giu Turitg.
Basilea-Citad sco giast - quest onn cun dapli fortuna?
En intginas uras dentant vai liber cun la festa dal «Sächsilüüte». Quest onn è il chantun Basilea-Citad il chantun ospitant. Gia il 1993 era Basilea-Citad chantun da giast. Lura avevi dà in incap. Il Böögg era crudà giu dal podest avant ch'el era explodì. RTR rapporta live da la festa.