Radund 56% da l’electricitad ord las bischlas da contact deriva da l'energia idraulica e 6% da la fotovoltaica, vent, massa da bio ed ovras idraulicas pitschnas. Quai communitgescha l'Uffizi federal d'energia.
Derivanza da bunamain in tschintgavel betg clera
17% da l'electricitad consumada deriva da las ovras atomaras. Pli pauc che 2% derivan da rument e funtaunas fossilas. Per 19% da l'electricitad furnida n'èsi dentant betg pussaivel dad eruir sia derivanza. Quai demussan las cifras publitgadas da l’onn 2016.
RR novitads 10:00