Legenda:
Per mintga svizzer ina frestgera - 170 uras kilowatt/onn
Tant'energia è vegnida producida tenor il studi da la fundaziun energia svizra en Svizra da vent e sulai.
Keystone
cuntegn
Svizra - Energias regenerablas – Svizra sin plazza 25 da 28
Tar la producziun d’energia solara e da vent è la Svizra en l’Europa sin posiziun 25 da 28. Quai resorta dad in studi da la fundaziun energia svizra, che radio SRF ha survegni gia avant la publicaziun.
Il motiv principal per il retard da la Svizra saja la mancanza da las finanzas per promover talas energias regenerablas, ha ditg la manadra dal studi, Myriam Planzer. Il mument sajan sur 37milli projects sin la glista da spetga per survegnir daners da la Confederaziun.
En Svizra èn vegnidas producidas radund 170 uras kilowatt electricitad da vent e sulegl. Quell'energia bastass sulettamain per far ir per mintg'abitanta u abitant svizzer in onn a la lunga la frestgera.