Svizra envidada a l'inscunter G20 a Shanghai

La China ha er envidà la Svizra a l'inscunter dals gronds stadis industrials. En il center dals discurs stattan mesiras da stimular l'economia mundiala.

La bandiera svizra penda sper la chinaisa. Bild in Lightbox öffnen.

Legenda da maletgs: La Svizra è era envidada a l'inscunter dals G20 a Shanghai. Keystone

Ils gronds stadis industrials (G20) vulan impedir che l'economia mundiala giaja vinavant "pe zop" cun introducir pli spert refurmas. Quai han decis ils ministers da finanzas ed ils schefs dals instituts d'emissiun dals 20 pli gronds stadis industrials a Shanghai.

E quai ensemen cun represchentants da la Svizra ch'è er vegnida envidada a quest inscunter. Per la Svizra èn stads da la partida il minister da finanzas Ueli Maurer ed il president da la Banca naziunala Thomas Jordan.

Ils ministers ed ils schefs dals instituts d'emissiun èn plinavant sa cunvegnids da collavurar pli stretg en chaussa politica dals curs da stgomi. Ils ristgs per l'economia mundiala creschian vinavant.

RR novitads 12:00