Firmas svizras han er il terz quartal da quest onn vendì dapli en l'exteriur: Ils exports èn s’augmentads per 6,4% sin 52,5 milliardas francs cumpareglià cun la medema perioda da l'onn avant.
Quest svilup saja cunzunt d’attribuir a la branscha da farmazia, communitgescha l’Administraziun federala da duana. Ensemen cun l’industria da chemia è ella responsabla per passa 80% dal resultat. Per l'emprima giada dapi dus onns è er l'industria da maschinas e d'electronica creschida levet per 0,3%.
