cuntegn
Svizra
-
Svizra exportescha puspè dapli armas
La Svizra ha puspè exportà dapli armas l'onn passà, quai suenter la reducziun da l'onn avant. Tut en tut ha la Svizra exportà material da guerra per passa 563 milliuns francs il 2014. L’onn avant muntava questa summa anc a 461 milliuns francs.
S'augmentads marcantamain sajan surtut ils exports en l'Indonesia. Quai resulta da la statistica dal secretariat statal per economia SECO. Quant ferm che la schluccada da las mesiras per l'export ha contribuì a quest resultat n'è dentant betg vesaivel en la statistica.
RR novitads 11:00
