El saja sa declerà pront per quest pass, scriva l'Uffizi federal da giustia. In'escorta da la polizia haja accumpagnà l'um sin il sgol a New York.
In è davent, il rest sa dosta
Al funcziunari vegn rinfatschà corrupziun. Da tgenin dals totalmain 7 arrestads ch'i sa tracta n'è betg enconuschent. Ils 6 auters ch'èn anc en arrest d’inquisiziun en Svizra èn fin uss sa dustads cunter l'extradiziun als Stadis unids.
Dapli transparenza en futur
La cumissiun etica da la FIFA pretenda dapli independenza ed ella vul vegnir en futur pli transparenta.
Enfin oz impedeschia il code etic da l’associaziun da ballape internaziunala da numnar nums d’accusads tar ina investigaziun, quai stettia en cuntradicziun cun ils dretgs penals da la Svizra sco era da l’Europa, ha ditg il responsabel da la cumissiun etica da la FIFA.
En connex cun il dretg da la persuna e la transparenza duai en futur la transparenza survegnir dapli impurtanza.
RR novitads 11:30 / 18:00
