Legenda:
Las restanzas dal aviun militar crudà sur il Giura franzos l'october 2015.
Keystone
cuntegn
Svizra - F/A-18 crudà giu pervi da sbagl dal pilot
Il rapport final da l’accident cun in aviun d’armada F/A-18 avant dus onns en il Giura franzos mussa ch’il sbagl era tar il pilot. Cun agir correctamain avess l’aviun da cumbat pudì vegnir liberà, constatescha la giustia militara.
L’aviun da cumbat era crudà giu avant circa dus onns sur territori da la Frantscha. Il pilot aveva pudì sa salvar cun il sez catapultabel ed era sa blessà levamain. Ussa sto el quintar cun consequenzas penalas.
L’aviatica militara ha ordinà ina inquisiziun preliminara cunter il pilot per avair cuntrafatg a las prescripziuns da servetsch e per avair sfarlattà material.
