Siglir tar il cuntegn

Header

Navigaziun

Il procuratur public general Michael Lauber.
Legenda: Il procuratur public general Michael Lauber ha dumandà las autoritads malaisicas per agid. Keystone
cuntegn

Svizra Svizra fa squitsch a Malaysia en scandal da finanzas

La Procura publica federala vul assistenza giudiziala en il scandal da corrupziun enturn in fond statal da la Malaysia.

La procedura penala en Svizra ha en mira anteriurs responsabels dal fond «1Malaysia Development Berhad». A quels vegn tranter auter renfatschà corrupziun, administraziun malfidaivla ed il lavar daners.

Il scandal è politicamain uschè brisant, perquai ch'il primminister da la Malaysia maina il cussegl da surveglianza dal fond.

Daners da corrupziun er sin contos en Svizra

La summa da delict supponida è tar var 4 milliardas dollars – quai tenor las retschertgas da la Procura publica federala.

Ina pitschna part da questa summa duai esser vegnida transferida sin contos svizzers. Cunquai ch’i sa tracta probabel d’in cas da corrupziun, intercurescha la Procura publica, schebain leschas svizras èn pertutgadas.

Sco la Procura publica federala scriva, duai la dumonda per assistenza giudiziala far attent il stadi da la Malaysia sin ils resultats d'inquisiziun svizzers.

RR novitads 08:00