Legenda:
Era a Cuira ha «Fabienne» buffà la notg da dumengia sin glindesdi.
RTR, Gion Gieri Flepp
cuntegn
Svizra - «Fabienne» ha buffà cun fin 130 km/h
Dumengia saira e la notg sin glindesdi ha il stemprà purtà localmain ferms urizis e dratgas. En ils auts ha il stemprà buffà cun fin 130 km/h, en la Bassa fin 113 km/h Quai ha communitgà SRF Meteo.
Davart donns pli gronds en Svizra na datti naginas indicaziuns uffizialas. Percunter è il traffic aviatic a Turitg, Basilea e Genevra stà impedì. Plirs sgols han gì retard u èn vegnids annullads.
Er en Germania ha il stemprà chaschunà disturbis en il traffic public ed en il sid da la Germania han diversas vias stuì vegnir serradas. Plinavant è ina dunna morta suenter ch'ella è vegnida sut ina planta, derschida dal stemprà.
