Legenda:
Chametgs sco quel la fin matg sur la citad da Berna hai er dà la notg da sonda sin dumengia.
Keystone
cuntegn
Svizra - Ferms urizis cun granella e suffels da stemprà
La notg hai dà ferms urizis en Svizra cun blera plievgia, granella e suffels da stemprà. Ils urizis cun blers chametgs èn sa tratgs da la Part Sura Bernaisa sur la Svizra centrala fin en la Germania dal sid.
Tenor SRF Meteo hai dà radund 25'000 culps da chametgs. Er il Tessin è stà pertutgà. En la regiun da Lucerna ed a Malters èn vias e tschalers vegnids inundads ed en la regiun da Turitg han ils stemprads derschì diversas plantas.
La polizia ha dumbrà radund 50 intervenziuns, quai ha confermà ina pledadra envers l'agentura da novitads SDA. A Rapperswil han ins stuì rumper giu ina producziun d'in kino open air. Blessads n'hai però dà nagin.
