Cusseglier federal Alain Berset ha en ses pled dal prim d’avust accentuà l’impurtanza da la constituziun federala. Cun la constituziun saja il stadi vegnì fundà il 1848 e la Svizra haja d’engraziar ad ella pasch e bainstanza, ha ditg Berset. Ils ulteriurs stadis na sajan nagins concurrents mabain partenaris, e la Svizra stoppia s’engaschar per reglas da dretg internaziunal, ha accentuà il president da la Confederaziun. A la fin da ses pled ha Berset accentuà che la Svizra saja il pajas da la stabilitad ed il success dal pajas saja il success da tuts abitants.
RR novitads 14:00