-
Bild 1 von 7. La Spitalgasse direcziun staziun da Berna. Bildquelle: RTR, Fabia Caduff.
-
Bild 2 von 7. Passants duain bandunar la plazza da la staziun ed enturn la baselgia Heiliggeist a Berna. Bildquelle: Keystone.
-
Bild 3 von 7. Policists armads avant la stizun «Loeb». Bildquelle: RTR, Fabia Caduff.
-
Bild 4 von 7. L'areal sut il tetg da vaider è serrà. Bildquelle: RSI, Gian Paolo Driussi.
-
Bild 5 von 7. In tram a la staziun sut il tetg da vaider sto star airi. Bildquelle: Keystone.
-
Bild 6 von 7. A la dretga sa chatta la baselgia Heiliggeist. Bildquelle: RSI, Gian Paolo Driussi.
-
Bild 7 von 7. Suenter ina smanatscha serra la polizia il plaz enturn la baselgia Heiliggeist a Berna. Bildquelle: Keystone.
In giuven da 21 onns haja smanatschà d'envidar ina bumba en la baselgia Heiliggeist. L'um è uss en praschun. Quai ha chaschunà in engaschament da polizia cumplain.
Acziun gronda da polizia
Il venderdi suentermezdi aveva la polizia chantunala da Berna barricadà l'intschess enturn la baselgia Heiliggeist tar lal plazza da staziun principala. A las 13:30 era la polizia vegnida infurmada davart in um che deva en egl. Cura che la polizia è arrivada al lieu, purtava l'um objects suspectus, ha ina pledadra da polizia ditg. Lura ha la polizia prendì a ferm l'um e barricadà il lieu enturn la baselgia. Schebain ils objects fissan stads privlus n'è anc betg cler, ha la polizia communitgà vinavant.
Per motivs da segirtad è la regiun enturn la baselgia Heiliggeist stada serrada per circa tschintg uras. La polizia aveva appellà als passants dad ir davent da la plazza da staziun, uschia l'agentura da novitads SDA. Tenor rapports da perditgas èn emploiads da fatschentas vischinantas vegnids evacuadas, quai communitgescha l'agentura da novitads SDA.
Impediments dal traffic public
Durant la barricada èsi vegni tar gronds impediments dal traffic public, scriva la polizia chantunala vinavant. La plazza da la staziun era serrada per tut il traffic tranter Bollwerk e Burgerspital. La staziun da tren n'è dentant betg stada pertutgada ed era cuntanschibla via Welle u Neuengasse.
RR novitads 15:00+