Svizra - Svizra furnescha material da militar als russ
Malgrà il conflict en l'Ucraina ha la Svizra furnì a la Russia l'onn passà material da camufladi d'auta qualitad tecnica. La gasetta SonntagsZeitung rapporta che la Confederaziun haja approvà ina fatschenta d'armament da record en la valita da 90 milliuns francs.
Malgrà las sancziuns internaziunalas han controlladers laschà passar duas furniziuns cun material d'armada ad in concern d'industria russ. La chaussa saja dentant legala grazia ad ina clausula ch'il Cussegl federal aveva decidì, scriva la SonntagsZeitung.
Confederaziun sustegnia Russ
Politichers ed adversaris dal militar rinfatschan a la Confederaziun da guntgir sin questa via las sancziuns cunter la Russia e da sustegnair la strategia da guerra dals Russ.
