L'armada svizra survegn per ils onns 2017 fin 20 in rom da credit da 20 milliardas francs. Quai ha il Cussegl naziunal decidì. Quai èn dapli daners che quai ch'il Cussegl federal aveva proponì. Quel vuleva 5 milliardas ad onn pir a partir dal 2019.
Anc la stad passada avev'il cussegl naziunal bloccà la refurma da l'armada pervi da la dumonda da la finanziaziun. Plinavant duai l'armada vegnir reducida da 200 sin 100milli schuldads. E la scola da recrut duai vegnir scursanida sin 18 emnas. Il project va uss enavos al cussegl dals chantuns per eliminar las differenzas.