Greenpeace pretenda dal parlament federal da extender pli spert l'energia solara en Svizra. Concret pretenda l'uniun per la protecziun da l'ambient che la finamira ch'è fixada en la lescha d'energia – per la producziun da forza electrica or da energias regenerablas – duai esser bler pli auta – che quai ch'il cussegl federal propona – hai num en ina communicaziun da Greenpeace.
D'extender la fotovoltaica saja la clav per in provediment d'energia pli segir e supportabel per il clima. Quest'emna tracta la cumissiun d'ambient dal cussegl dals chantuns la revisiun da la lescha d'energia.