Il Cussegl federal vul evitar en futur pannas tar projects d’informatica da l’administraziun federala e vul che tut ils projects gronds vegnian examinads d’experts externs. Quai ha communitgà il departament federal da finanzas.
Legenda:
Debatta davart il debachel d’informatica INSIEME il december 2014 a Berna.
Keystone
La regla nova pertutga tut ils projects d’informatica ch’han in volumen da sur tschintg milliuns francs e duai valair per immediat. Dapi il 2013 vegnan tut ils projects che dovran bleras resursas e ch’han ina impurtanza strategica controllads periodicamain dal departament federal da finanzas.
