Fin l'onn 2050 duai la Svizra reducir sias emissiuns da CO2 sin nulla. Quai vul ina gruppaziun cuntanscher cun ina nova iniziativa ch'ella ha lantschà la sonda. L'iniziativa dals glatschers pretenda che nagin CO2 dastga pli vegnir en circulaziun fin l'onn 2050.
Tenor ils iniziants, l'Uniun per la protecziun dal clima Svizra, na datti la fin dal 21avel tschientaner probabel nagins glatschers pli en las Alps. Da la sminuaziun dals glatschers e da la schelira permanenta sin l'entir mund saja pertutgada la basa da vita da la societad globala.
RR novitads 12:00