Sch’ins entra en la stanza da degustaziun a Berna sche vegn encunter ina nivla dad alcohol. Experts da tut la Svizra degusteschan da bun’ura enfin saira var 40 differentas spirituosas. Dentant na vegn bavì nagina. I vegn guardà e valità la colur, i vegn savurà, l’alcohol vegn piglià en bucca, dentant betg stranglà mabain puspè spidà ora. Quai saja impurtant per ch’ins na survegn betg ina sturna declera Judith Brunschwiler. Era èsi da mangiar adina puspè paun e baiver bler’aua per ch’ins possa valitar las differentas spirituosas objectivamain. La dunna da 51 onns è experta tge che pertutga spirituosas, ella sez maina era sia atgna destillaria.
Per vegnir degustatura vuli en emprima lingia passiun per la chaussa e per la tradiziun da spirituosas.
En sasez n'ha Judith Brunschwiler mai gì da far cun spirituosas. Ella aveva perfin ina nauscha associaziun cun l'alcohol. Dentant ha ella maridà en ina famiglia da destillaturs ed è uschia vegnida sin il gust. Oz vesa ella las spirituosas sco tradiziun ed artisanadi.
-
Bild 1 von 11. I vegn savurà... Bildquelle: RTR, Adrian Camartin.
-
Bild 2 von 11. I vegn degustà... Bildquelle: RTR, Adrian Camartin.
-
Bild 3 von 11. I vegn guardà... Bildquelle: RTR, Adrian Camartin.
-
Bild 4 von 11. xxxxx. Ed i vegn valità... Bildquelle: RTR, Fabia Caduff.
-
Bild 5 von 11. 40 differentas spirituosas vegnan degustadas en in di. Bildquelle: RTR, Adrian Camartin.
-
Bild 6 von 11. En tut èn 504 differentas spirituosas vegnidas inoltradas da 97 differents destillaturs. Bildquelle: RTR, Adrian Camartin.
-
Bild 7 von 11. La giuria na po betg entrar là nua che las spirituosas vegnan preparadas per servir. Bildquelle: RTR, Fabia Caduff.
-
Bild 8 von 11. Serviturs guardan che mintgin survegn da mintgin e che las spirituosas restan anonimas per ils giurors. Bildquelle: RTR, Fabia Caduff.
-
Bild 9 von 11. In di che la spirituosa gusta il meglier sche ella vegn emplenida fin nua che il magiel e il pli lartg. Bildquelle: RTR, Adrian Camartin.
-
Bild 10 von 11. Ils giurors èn partids si en gruppas da quatter persunas. Sche pussaivel è adina tiers ina dunna e las persunas vegnan da differents lieus da la Svizra. Bildquelle: RTR, Fabia Caduff.
-
Bild 11 von 11. Il schef da la gruppa survegn ils resultats dals collegas da team sin il computer e là vegn notà il resultat final. Bildquelle: RTR, Adrian Camartin.
Il settember vegnan premiadas las meglras spirituosas svizras, degustadas vegnan ellas dentant gia uss. 504 differentas spirituosas èn vegnidas inoltradas da 97 differents destillaturs.
RR actualitad 07:00