Siglir tar il cuntegn

Header

cuntegn

Svizra Svizra ha cundiziuns idealas per consumar drogas

La Svizra porscha tenor la fundaziun «Dependenza Svizra» cundiziuns idealas per vender e consumar drogas. Las leschas sajan memia flaivlas e las drogas memia pajablas per ils Svizzers.

Alcohol, cigarettas ed auters products da nicotin, gieus da cletg u drogas illegalas: En las citads saja relativamain simpel da vegnir tar drogas illegalas. Products legals sajan uschè ni uschia preschents dapertut, favuraivels ed ins survegnia els da tuttas uras.

In martgà liber – legal u illegal – augmentia la ristga da problems da dependenza, uschia la fundaziun. Alcohol, cigarettas u drogas illegalas sajan ina fatschenta da milliardas en Svizra. Gist la fatschenta cun alcohol saja constant ferma, perquai che las regulaziuns sajan flaivlas.

«Dependenza Svizra» crititgescha fermamain il lobing

Tar ils products legals sco alcohol, tubac e gieus da cletg vegnia fatg fitg ferm lobing en il parlament e tar il Cussegl federal. Els sa dostian cun success cunter regulaziuns da lur martgà. Quai malgrà las mesiras da prevenziun che fissan relativamain simplas. Medis pretendian perquai mesiras curaschusas da la politica, sco il scumond da products bunmartgads, pli pauca reclama e temps d'avertura per butias pli curtas.

Substanzas psichoactivas chaschunan ad onn passa 11'000 morts ed inclus ils gieus da cletg, custs socials da passa 14 milliardas francs.

RR novitads 10:00

Artitgels legids il pli savens