Els dus han suttascrit duas cunvegnas per rinforzar la collavuraziun tar la reacceptaziun da fugitivs e tar levgiaments da visa. Sco quai ch'il departement federal per affars exteriurs communitgescha vul la Svizra reglar pli simpel la reacceptaziun da persunas che vegnan repatriadas. E cun ils levgiament da visa duai esser pli simpel per ils burgais dals dus pajais da survegnir in visum per ina dimora curta.
Era tema tar ils discurs era la collavuraziun economica. L'Aserbaidschan è il pli impurtant partenari da la Svizra en il Caucasus dal sid. Diversas interpresas Svizras èn activas en questa regiun. In dals puncts principals tar la collavuraziun economica è la politica d'energia.
RR novitads 16:00