Siglir tar il cuntegn

Header

cuntegn

Svizra Svizra ha la pli bassa quota da mammas sut 20 onns

En Svizra èn be 0,8% da las mammas sut 20 onns, en l’Uniun Europeica è la media tar stgars 4%. Quai mussan las novas cifras da l'Uffizi da statistica europeic Eurostat.

En ils differents pajais datti dentant grondas differenzas: Las pli bleras mammas sut 20 onns datti cun 12% en la Bulgaria e la Rumenia. Percunter en quai en Danemarc be anc 1%.

En Spagna datti las pli bleras mammas sur 40

92% da las mammas en l’Uniun Europeica eran il 2017 tar la naschientscha da lur emprim uffant tranter 20 e 39 onns, 4% eran sut 20 e 4% sur 40. Surproporziunal bleras mammas sur 40 onns datti en la Spagna cun 8,8% e l’Italia 8,6%. I suonda la Grezia cun 6,6%, Luxemburg e l'Irlanda cun 5,9%. Per la Svizra inditgescha Eurostat ina rata da 4,8%, quai ch'è levet sur la media da l'Uniun Europeica.

Ord l'archiv:

audio
Uffants èn l'incumbensa da las mammas
ord Marella dals 06.01.2019. Maletg: RTR/ Angela Hendry
laschar ir. Durada: 36 minutas 3 Secundas.

RR novitads 12:00

Artitgels legids il pli savens