Siglir tar il cuntegn

Header

Navigaziun

cuntegn

Svizra Svizra ha survegnì 39'523 dumondas d'asil

En Svizra èn vegnidas inoltradas l’onn passà 39’523 dumondas d’asil, quai èn 15’800 dumondas dapli ch'il 2014, quai communitgescha il secretariat dal stadi per migraziun SEM. Sco motiv inditgescha il secretariat ils conflicts en il Proxim orient ed en l’Africa.

Legenda:
Dumondas d'asil tenor ils onns SEM

En l’entira Europa han radund 1,4 milliuns umans dumandà asil, quai È dubel uschè bleras dumondas sco il 2014.
Sco il secretariat da stadi per migraziun scriva na saja la Svizra betg in pajais prioritar sin la ruta dal Balcan. Ils blers fugitivs ch’arrivan en Svizra cuntanschan il pajais via l'Italia sur la Mar Mediterrana.

Situaziun resta tendida

Sin fundament da las guerras e crisas resta aut il squitsch da migraziun. Ord quai motiv spetga la confederaziun per quest onn vinavant in aut dumber da dumondas d'asil. Ina prognosa na saja dentant betg pussaivla en vista dals facturs externs che

sa midan svelt- e permanentamain. Il SEM (Ssecretariat da stadi per migraziun) quinta ch'i na dat quest onn strusch damain dumondas d'asil che l'onn passà. Il SEM cuntinuescha consequentamain sia strategia da liquidar las dumondas d'asil.

RR novitads 11:00