Il pretsch da vendita per sia participaziun da 27,5% muntia a 655 milliuns francs, communitgescha Holcim.
La gronda part haja surpiglià in concern chinais, il rest da las aczias hajan cumprà investiders instituziunals.
Il retgav da la transacziun vegnia duvrà per intents generals dal concern, uschia Holcim. Siam City Cement ha fatg l’onn 2014 ina svieuta da bun 940 milliuns francs ed ha ina capacitad da products da 14,5 milliuns tonnas cement. Passa 4’000 persunas èn emploiadas tar la firma da cement.
RR novitads 8:00