19 destinaziuns da skis svizras offreschan l'enviern proxim a lur giasts aventuras da skis dad in di per in pretsch pauschal. Questa "One Day Experience" cuntigna in equipament cumplet, ina charta d'in mez di ed ina lecziun da skis cun in instructur per 150 francs. Questa purschida saja sur tut qua per osps d'enviern asiats sco era ils numerus giasts internaziunals. Era indigens sajan dentant fitg bainvegnids.
Sco quai che l'organisaziun turistica svizra communitgescha saja la figura Bruno sco ambassadur dal pajais da sports da naiv il star da la campagna. Lura duai era il campiunadi mundial da skis a San Murezzan metter en il focus dal public il «Home of snowsports».
RR novitads 10:00