Svizra - Ignazio Cassis è il nov schef da fracziun da la PLD
La Partida liberaldemocratica svizra ha in nov schef da fracziun. Il cusseglier naziunal tessinais Ignazio Cassis surpiglia il timun da la fracziun federala da la PLD. Quai ha communitgà la schefa da fracziun partenta Gaby Huber.
Ignazio Cassis è cusseglier naziunal dapi il 2007, vicepresident da la fracziun dapi il 2011 e vala sco politicher prudent cun votums reflectads. El ha survegnì 38 da las 54 vuschs pussaivlas. Cunquai tratg la curta ha il cusseglier naziunal bernais Christian Wasserfallen.
