Il Cussegl federal ha decidì ina strategia naziunala cunter las resistenzas a l'antibiotica. Uschia duai l'effect da l'antibiotica vegnir segirà a lunga vista. La strategia naziunala duai mussar nua ch'igl è d'agir, tge finamiras che duain vegnir cuntanschidas e tge mesiras ch'èn necessarias, scriva la Confederaziun. - Memia bler antibiotica ed il diever fauss pon accellerar il svilup da scherms resistents, quai po far problems als carstgauns ed er als animals. Cumbatter las resistenzas a l'antibiotica fa part da las prioritads da l'agenda «sanadad 2020».
RR novitads 16:00/17:00