Legenda:
La Svizra duai nizzegiar meglier il potenzial da lavureras e forzas da lavur pli veglias.
Keystone
cuntegn
Svizra - Il Cussegl federal duai far dapli per forzas da lavur indigenas
Il parlament federal fa squitsch tar la promoziun da forzas da lavur indigenas. Quai pretenda suenter il Cussegl naziunal era il Cussegl dals chantuns.
Il Cussegl dals chantuns ha approvà senza cuntravusch 2 moziuns. Omaduas sa basan sin il gea a l'iniziativa d'immigraziun il favrer 2014. Dapi lura è francà en la constituziun da privilegiar ils indigens.
L'economia n'haja fin ussa betg cumprovà, ch'ella saja pronta da promover ils lavurers indigens a moda facultativa. Perquai duai il Cussegl federal midar la lescha, uschia pretendan las moziuns.
