La PPS vul decider ils proxims dis definitivamain sch’ella vul prender il referendum cunter la strategia d’energia. Quai ha ditg avant las votaziuns finalas en il Cussegl naziunal il president da la Partida populara, Albert Rösti. L’avust era la suprastanza da la partida s’exprimida per in referendum, sut la premissa che l’economia sustegnia quel. Uss ha Rösti ditg che la PPS saja pronta, els na veglian dentant betg manar sulets il cumbat.
Ulteriuras fracziuns scurlattan il chau
Ils pledaders da las ulteriuras fracziuns na han nagina chapientscha per la resistenza da la PPS. La fatschenta saja equilibrada suenter las cussegliaziuns parlamentaras, hai gì num. Gea ha era ina maioritad da la fracziun da la PLD vuschà.
RR novitads 11:00