Legenda:
Il president iranais Hassan Rohani durant sia visita uffiziala en Svizra.
Keystone
cuntegn
Svizra - Il president iranais Rohani en visita en Svizra
Il president da l'Iran, Hassan Rohani, ed il president da la Confederaziun, Alain Berset, èn sa cunvegnids d'approfundar las relaziuns bilateralas. Quai ha ditg Berset a chaschun da la visita da Rohani en Svizra.
Er la cunvegna d'atom è stada tema. Ins saja perina che la retratga dals Stadis Unids pericliteschia il svilup tar la denuclearisaziun che l'Iran haja cuntanschì fin qua, uschia Berset. La cunvegna ch’è vegnida per part negoziada en Svizra saja stada in success diplomatic senza exempel. Il president iranais è arrivà ier suentermezdi en Svizra per sia visita uffiziala.
