La lescha da realisar l'iniziativa d'immigraziun da massa ch'il parlament ha decidì saja in'impurtanta decisiun. Tant ils contracts bilaterals sco er la libra circulaziun da persunas cun l'UE restian uschia.
Er il naufragi dal referendum cunter questa lescha da realisar è per il comité RASA in segn cler, che questa via chattia acceptanza en la populaziun svizra. Avert restia sch'i dovria in scleriment en la constituziun e co quel duai vesair ora, uschia scriva il comité en ina communicaziun.
Enfin che questas dumondas vegnan scleridas dal parlament federal sa tegnan els vid l'iniziativa. Il parlament ha temp fin ils 27 d'avrigl 2018 da decider ina recumandaziun per l'iniziativa. Il Cussegl federal aveva refusà l'iniziativa ed era renunzià d'ina cuntraproposta directa.
RR novitads 12:00