Auter che la clausula dal Cussegl federal na s'orientescha la clausula dal chantun Tessin betg vid l'immigraziun mabain vid il martgà da lavur regiunal. Ella sa basa sin indicaturs sco datas da pajas e quotas da dischoccupaziun.
Mesiras graduadas
Mesiras pussaivlas per limitar l’immigraziun funcziunassan sin il livel il pli bass pussaivel: l’emprim en branschas economicas regiunalas zunt fitg pertutgadas, lura en singulas regiuns u sco la davosa pussaivladad per l’entira Svizra.
Il problem dals pendularis
Il Tessin patescha gia dapi ditg da las influenzas negativas da la libra circulaziun da persunas. Passa 60'000 pendularis talians vegnan mintgadi en il Tessin per lavurar, pli che mintga quart lavurant vegn ord la Lombardia ed ulteriuras regiuns talianas.
RR Novitads 17:00