Quests dis vegn repartì en Svizra il material per las elecziuns federalas dals 18 d'october. Tar l'emplenir ora ils cedels electorals vali dentant da far adatg. Pertge tenor la chanzlia federala n'è bunamain 1 dad 80 cedels electorals betg valaivel.
Betg en mintga chantun datti però tuttina bleras vuschs nunvalaivlas. Tar las elecziuns dal 2011 han ils chantuns Sviz, Uri u Glaruna per exempel schizunt stuì declerar 1 da 25 cedels sco nunvalaivel. En ils chantuns Zug, Neuchâtel u Berna è quai però stà il cas be tar ina da 200 vuschs.
