La gasetta franzosa «Libération» discurra dad «ina curva dretga». La gasetta tudestga «Spiegel» numna la PPS «die erfolgreichsten Rechtspopulisten Europas». Tenor la «Süddeutsche Zeitung» metta la Svizra en prievel ses model da success cun rinforzar la dretga. En Spagna scriva «El Paìs» che la PPS haja provocà las temas da quella part da la populaziun che tema da perder ses aut standard da vita.
E la gasetta taliana «La Reppublica» cumpareglia la nova cussegliera naziunala dal Grischun Magdalena Martullo-Blocher cun la politicra franzosa da la dretga extrema Marine Le Pen.