Sia show e la chanzun The Last Of Our Kind n'han betg persvadì. Tenor la redactura dad RTR, Alice Bertogg, che ha er persequità il mezfinal n'ha Rykka persvadì ni musicalmain, ni visualmain ed er betg cun ses moviments. L'unic che saja sta bun vi da la show da la chantadura svizra-canadaisa, sajan stads ils ventils da fim cusids en il vestgì. Quels hajan procurà ensemen cun intgins vulcans per in zic spectacul.
Cun ses resultat n'è Rykka però en buna cumpagnia: En ils 13 onns dapi ch'i dat il Eurovision Song Contest, han sulet 4 furmaziuns svizras dumangà en il final. Disditg en il mezfinal dal contest han tranter auter er musicists rutinai sco DJ Bobo (2007) ni Michael von der Heide (2010).
Questas terras han persvadì ed èn en il final:
- Lettonia
- Georgia
- Bulgaria
- Australia
- Ucraina
- Pologna
- Serbia
- Israel
- Lituania
- Belgia
RR novitads 06:00