Legenda:
Pervi dad in problem cun dus ventils è l'ovra atomara da Gösgen vegnida tschentada giu automaticamain.
Keystone
cuntegn
Svizra - Incap tar l’ovra atomara da Gösgen
L'ovra atomara da Gösgen è vegnida tschentada giu il glindesdi saira pervi dad in incap en la part betg radio-activa. Sco quai ch’il gestiunari da l'ovra en il chantun Soloturn communitgescha saja la raschun in sbagl tar dus ventils.
Suenter l’interrupziun èsi stà d'udir cleramain en la vischinanza ... la vapur, ch'è vegnida laschada giu. Cun excepziun da quai haja l'incap però gì naginas consequenzas per l'ambient, uschia il gestiunari. L'ovra atomara saja segira ed entant puspè en funcziun. L’autoritad da surveglianza ENSI saja vegnida infurmada davart l’incap.
