-
Bild 1 von 6. Anc adina n'è il fieu betg sut controlla, malgrà la presenza da passa 200 pumpiers. Bildquelle: Keystone.
-
Bild 2 von 6. L'enorma pitga da fim è vesaivla en l'entira regiun dal Lai da Constanza. Bildquelle: SRF, B. Kälin.
-
Bild 3 von 6. Il bajetg en il fund è crudà ensemen pervi dal brischament. Bildquelle: Keystone.
-
Bild 4 von 6. In Super-Puma bitta aua sin il brischament. Bildquelle: Keystone.
-
Bild 5 von 6. I dovra gronds quantums aua per cumbatter las flommas. Bildquelle: Keystone.
-
Bild 6 von 6. Ils bajetgs n'èn betg accessibels da tut las varts. Bildquelle: Keystone.
L’incendi sin in areal d’industria (l'areal Raduner) a Horn en il chantun Turgovia è rut ora la damaun las 5:30. Sur dal motiv e la summa dals donns datti anc naginas indicaziuns.
Nagins blessads
Tenor in pledader da la polizia datti nagins blessads, i sa chattia ina abitaziun en in dals bajetgs; ils possessurs sajan il mument en vacanzas.
L'areal Raduner cumpiglia in territori da 44'000 meters quadrat. Fin l'onn 1989 era là la fabriva da textilias Raduner. Il terren da l'areal è per part contaminà cun chemicalias ed il chantun Turgovia ha decretà il 2006 ina sanaziun. Oz tutgan trais quarts da l'areal a l'interpresa da recidladi Eberhar Bau SA. L'interpresa fiss pronta da sanar l'areal e vul lura surbajegiar il terren cun abitaziuns.
RR novitads 08:00 / 10:00 / 14:00 / 18:00