La midada da la lescha d’esters, ch’il parlament ha decis il glindesdi, para dad esser pir l’emprim pass. Era la constituziun duai vegnir adattada. Quai vul il Cussegl federal.
La realisaziun actuala na cuntrafetschia betg a las cunvegnas da la circulaziun libra da persunas cun l’UE e l’EFTA ha ditg la cussegliera federala Simonetta Sommaruga. La cumissiun da l’UE vegn alura probablamain l’emna proxima a prender posiziun en chaussa.
