Svizra - Jürg Grossen nominà sco nov president dals Verd-liberals

Grossen che ha 48 onns sesa dapi il 2011 en il Cussegl naziunal ed è dapi il 2016 vice-president da la cumissiun dals Verd-liberals. El s'engascha cunzunt en la politica da traffic e d'energia.

Vi da la politica verd-liberala fascineschia el la moda e maniera differenziada da far politica e da tschertgar soluziuns persistentas tranter las partidas polarisantas. Quai scriva l'electroplanisader sin sia pagina d'internet.

Ils delegads dals Verd-liberals vegnan alura probabel ad eleger Jürg Grossen ils 26 d'avust.

RR novitads 15:00