Legenda:
La facultad da la banca privata è sa reducida sin 289 milliardas francs.
Keystone
cuntegn
Svizra - Julius Bär patescha dal ferm franc
La banca privata Julius Bär senta l'effect dal ferm franc. La facultad administrada da l'institut da finanzas svizzer è sa reducida ils emprims 4 mais da quest onn per 1% sin 289 milliardas francs, communitgescha Julius Bär.
Sulet l'effect da valutas estras haja chaschunà ina sperdita da 19 milliardas francs. Vitiers vegnian las autodenunzias da defraudaders da taglia en Frantscha e l'Italia.
Vinavant averta resta la dispita da taglia da Julius Bär cun las autoritads americanas. Latiers n'ha la banca però fatg naginas indicaziuns.
