Il concern da logistica Kühne und Nagel, che ha sia sedia en il chantun Schwyz, surpiglia l'interpresa americana Retrans. Retrans è sa spezialisà sin uschè numnads transports intermodals.
Tar transports intermodals vegnan ils containers transportads cun divers meds da traffic, els vegnan per exempel chargiads sin camiuns e pli tard transtgargiads sin trens. La firma Retrans è ina firma cun radund 300 emploiads. Ella è staziunada a Memphis Tennessee. Davart il pretsch da cumpra na dat i naginas indicaziuns.
