Novas tecnologias duain vegnir nizzegiadas meglier per l'agricultura svizra. Quai è la finamira dal center da cumpetenza per l'agricultura Agroscope e dal center da svilup e perscrutaziun privat CSEM a Neuchâtel.
Ils 2 centers han suttascrit in memorandum d'accord. Tecnologias innovativas duain gidar da sviluppar l'agricultura e l'alimentaziun en direcziun persistenta, ha ditg il directur da l'Uffizi federal d'agricultura, Bernard Lehmann.
Il grond potenzial vesa la Confederaziun en la fotovoltaica, la micro- e nanotecnologia, la microelectronica u era las tecnologias da communicaziun.
(RR novitads a las 14:00)