La giuvna da 30 onns è sommelière en l’hotel Quellenhof a Bogn Ragaz. L’aua è gia adina stada impurtanta per ella. Irina Taculina è creschida si a la costa da la Mar da l’Ost en la Lettonia, ses bab era capitani. L’attracziun per l’aua è en famiglia. Uss ha ella fatg quella passiun tar la professiun.
30 sorts aua sin la charta
Sper differentas bars ed ustarias datti en il Quellenhof era ina bar d’aua minerala. E las 30 sorts gustan propi fitg different. Inquala n’ha betg bler gust ed è miaivla, autras gustan intensiv, per exempel suenter sal. Sco tar il vin èsi tenor la sommelière era impurtant da baiver la dretga aua tar las spaisas. Al cumenzament dal menu cusseglia el aua minerala cun gas, encunter la fin aua senza.
Anfang Bildergalerie
Bildergalerie überspringen
-
Bild 1 von 3. L'assortiment d'auas mineralas en la bar da l'hotel Quellenhof. Bildquelle: RTR, U. Lechmann.
-
Bild 2 von 3. Irina Taculina davant ina curuna cun bleras differentas auas mineralas. Bildquelle: RTR, U. Lechmann.
-
Bild 3 von 3. In sguard en la bar d'aua minerala da l'hotel Quellenhof. Bildquelle: RTR, U. Lechmann.
Ende der Bildergalerie
Zurück zum Anfang der Bildergalerie.