Svizra - L’iniziativa «Radio e televisiun – senza Billag» na grategia betg
L'iniziativa dal pievel «Radio e televisiun - senza Billag» n’ha betg cuntanschì las suttascripziuns necessarias sin il termin. L’iniziativa era vegnida lantschada il november 2013.
Legenda:
L’iniziativa "Radio e televisiun - senza Billag" na vuleva naginas taxas pli per consumar radio u televisiun.
Keystone
Sco la Chanzlia federala scriva en il fegl uffizial actual, na sajan las 100’000 suttascripziuns che fissan stadas necessarias betg vegnidas inoltradas enfin ils 12 da matg.
L'iniziativa "Radio e televisiun - senza Billag" vuleva stritgar la taxa da recepziun per radio e televisiun dal tut, ed uschia abolir la Billag. La finamira era da betg stuair pajar per recepir programs da radio e televisiun.
