Legenda:
Las Svizras ed ils Svizzers stiman la situaziun economica sco plitost pessimitica.
Keystone
cuntegn
Svizra - La luna da consuments na vegn betg sin turas
La luna da consumar da Svizras e Svizzers resta sut la media a lunga vista dals ultims tschintg quartals. Uschia n’è l’index er betg sa midà tranter l’avrigl ed il zercladur da quest onn e resta sin -15 puncts, quai communitgescha il secretariat statal per l'economia Seco.
L'index da la luna da consuments a lunga vista è sin -9 puncts. Dapi l'enquista dal fanadur 2015 resta l'index pia sut quai. Per ils proxims 12 mais spetgan las 1'200 persunas dumandadas pretschs pli auts ch'anc l'avrigl.
Pessimissem pertutgant situaziun economica
Index da la luna da consuments
Avrir la boxSerrar la box
Ils mais schaner, avrigl, fanadur ed october vegnan dumandadas ca. 1'200 persunas elegidas tenor casualitad davart lur maini subjectiv pertutgant la situaziun economica, lur situaziun finanziala, il svilup da pretsch e la segirtad da lur plazza da lavur.
Las respostas sin las quatter dumondas decisivas per l'indez èn restadas quasi tuttinia tranter l'avrigl e fanadur 2016. Anc adina giuditgeschan las persunas dumandadas la situaziun generala da l'economia sco pessimistica. Er èn ellas dal maini che lur situaziun finanziala sa mida betg ils proxims 12 mais. Per pudair spargnar daners vesan las persunas dumandadas in zic damain potenzial.
